Ájiniyaz atındaǵı Nókis mámleketlik pedagogikalıq institutı Keńesiniń gezektegi májilisi bolıp ótti.

Májilisti institut rektorı Quvondiq Qodirov basqarıp bardı.

Ilaj kún tártibine muwapıq, institutta atqarıw tártibi, fizikalıq hám yuridikalıq shaxslardıń múrájatları menen islesiw jaǵdayı, ilimiy ataqlarǵa talaban bolǵan professor-oqıtıwshılarınıń hújjetlerin Joqarı attestaciyalıq komissiyaǵa usınıw, ministrliktiń Muwapıqlastırıwshı keńesine oqıw ádebiyatların usınıw, sonday-aq, aǵımdaǵı máseleler kórip shıǵıldı.

Májiliste institut rektorı 2025-jılda instituttı hár tárepleme rawajlandırıw boyınsha tastıyıqlanǵan Jol kartadaǵı wazıypalardıń orınlanıwı boyınsha birinshi sherektiń monitoring nátiyjeleri haqqında shıǵıp sóyledi.

Ámelge asırılǵan jumıslar, qolǵa kirgizilgen nátiyjeler, orın alıp atırǵan mashqalalar Keńes aǵzaları menen keń túrde dodalanıp, aldaǵı wazıypalar belgilep alındı.

NMPI baspasóz xızmeti.