Erkin pikirleytuǵın, óziniń turmıslıq poziciyasına iye bolǵan, turmısımızdaǵı jámiyetlik-siyasiy, social-ekonomikalıq waqıyalardı sistemalı túrde analizlep, logikalıq pikirleytuǵın, sheber túrde debat alıp baratuǵın jaslardı tárbiyalaw búgingi kúnniń áhmiyetli wazıypalarınıń biri bolıp tabıladı.

Elimiz boylap dawam etip atırǵan «Studentler báhári» festivalı sheńberinde búgin, 25-aprel kúni Ájiniyaz atındaǵı Nókis mámleketlik pedagogikalıq institutında respublikamızdaǵı joqarı oqıw orınları arasında ótkerilgen «Debat» intellektual oyınında komandalar tastıyıqlawshı hám biykarlawshı poziciyalarda hár qıylı tematikalar boyınsha oyın ótkerip, óz bilim jáne kónlikpeleri menen oratorlıq sheberliklerin kórsetiwge háreket etti.

Oǵada qızǵın tárizde ótken oyın juwmaǵında:

1-orındı – Samarqand mámleketlik veterinariya medicinası, sharwashılıq hám biotexnologiyalar universiteti Nókis filialınıń «Keleshek jasları» komandası;

2-orındı – Qaraqalpaqstan medicina institutınıń «MedLider» komandası;

3-orındı – Ájiniyaz atındaǵı Nókis mámleketlik pedagogikalıq institutınıń «Sahra búlbilleri» komandası iyeledi.

NMPI baspasóz xızmeti.