Ájiniyaz atındaǵı Nókis mámleketlik pedagogikalıq institutı málimleme-resurs orayında Respublikalıq «Kitapqumarlıq hápteligi» sheńberinde «Elektron kitap oqıw kónlikpelerin qáliplestiriw» atamasındaǵı keshe bolıp ótti.

Kesheni oray direktorı Gúlayım Jiyemuratova basqarıp bardı.

Oraydıń elektron málimleme resursları bólimi tárepinen shólkemlestirilgen ilajda informatikanı oqıtıw metodikası kafedrasınıń baslıǵı J.Ótepbergenov, usı kafedra docenti Z.Ilyasova hám assistent-oqıtıwshısı L.Saxanovalar elektron kitaplardıń turmısımızdaǵı áhmiyeti, ádettegidey kitap penen elektron kitaplardıń óz ara baylanısı, internet tarmaqlarındaǵı elektron kitaplardan paydalanıw jolları haqqında qatnasıwshılarǵa maǵlıwmat berdi.

Ilajda elektron málimleme resursları bóliminiń jetekshi qánigesi A.Qoshmuratov UNILIBRARY platformasınan paydalanıw boyınsha student-jaslarǵa ámeliy kónlikpeler berdi.

Sonday-aq, háptelik sheńberinde oray qánigeleri tárepinen instituttıń 3-sanlı studentler turaq jayında kitapqumarlıqtı úgit-násiyatlaw ilajları shólkemlestirildi.