Ájiniyaz atındaǵı Nókis mámleketlik pedagogikalıq institutı málimleme-resurs orayında Respublikalıq «Kitapqumarlıq hápteligi» sheńberinde mádeniyat hám kórkem óner tarawınıń pidayı xızmetkerleri menen ushırasıw shólkemlestirildi.

Ushırasıwǵa Berdaq atındaǵı Qaraqalpaq mámleketlik akademiyalıq muzıkalı teatrınıń vokal artistleri – Qaraqalpaqstan Respublikasında xızmet kórsetken artist Jumagúl Saǵındıqova hám «Mádeniyat hám kórkem óner pidákeri» kókirek belgisiniń iyesi Gúlsara Jumaniyazova, sonday-aq, málimleme-resurs orayınıń qánige xızmetkerleri, Shet tilleri fakulteti jámááti hám student-jaslar qatnastı.

Ilajda instituttıń jaslar máseleleri hám ruwxıy-aǵartıwshılıq isleri boyınsha birinshi prorektorı wazıypasın waqıtsha atqarıwshısı Qarjawbay Reymov sózge shıǵıp, háptelik sheńberinde ótkerilip atırǵan ilajlar hám olardıń áhmiyeti haqqında maǵlıwmat berdi.

Ushırasıwda kórkem óner tarawınıń wákilleri bolǵan miymanlar dóretiwshilik jumısları, ómir jolları hám mádeniyat tarawındaǵı ustazları haqqında aytıp ótti.

Ilajda studentler ózlerin qızıqtırǵan sorawlarǵa juwaplar aldı.

Ushırasıw instituttıń talantlı studentleri atqarıwındaǵı saxnalıq kórinisler hám kórkem-ádebiy bólim menen dawam etti.

NMPI baspasóz xızmeti.