Búgin, 26-aprel kúni I.M.Gubkin atındaǵı Rossiya mámleketlik neft hám gaz universitetiniń Tashkent qalasındaǵı filialı atqarıwshı direktorı Abdulla Magrupov Ájiniyaz atındaǵı Nókis mámleketlik pedagogikalıq institutına keldi.

Institut rektorı Quvondiq Qodirov penen bolıp ótken ushırasıwda eki joqarı oqıw ornı basshıları mámleketimizde joqarı bilimlendiriw sistemasın hár tárepleme rawajlandırıw baǵdarında ámelge asırılıp atırǵan reformalar hám olardıń ámeliy nátiyjeleri haqqında sáwbetlesti.

Ushırasıwda eki joqarı oqıw ornı arasında studentler, magistrantlar, doktorantlar almasıwın jolǵa qoyıw, professor-oqıtıwshılardıń qánigeligin jetilistiriw, qospa ilimiy-izertlew baǵdarlamaları hám joybarların ámelge asırıw, birgelikte ilimiy-ámeliy konferenciyalar, óz ara másláhátlesiwler ótkeriw, investiciyalıq joybarlardı ózlestiriwdiń áhmiyeti tuwralı pikir almasıldı.

Atap ótilgen máseleler boyınsha aldaǵı waqıtlarda birge islesiwdi ele de rawajlandırıw maqsetinde tiyisli memorandumǵa qol qoyıldı.

NMPI baspasóz xızmeti.