Aldın xabar bergenimizdey, Ózbekstan Respublikası Joqarı bilimlendiriw, ilim hám innovaciyalar ministrligi tárepinen dúzilgen jumısshı topar aǵzaları Ájiniyaz atındaǵı Nókis mámleketlik pedagogikalıq institutında tiyisli úyreniw jumısların alıp barmaqta.

Joqarı bilimlendiriwdi rawajlandırıw izertlewleri orayınıń bas qánigesi Matluba Eshpulatova hám Buxara mámleketlik pedagogikalıq institutı matematika hám informatika kafedrasınıń docenti Anvarjon Rashidovlardan dúzilgen Respublikalıq jumısshı topar aǵzaları instituttıń málimleme-resurs orayında bolıp, tiyisli juwapkerler menen sáwbetlesti hám úyreniw jumısların alıp bardı.

Respublikalıq jumısshı topar aǵzaları tárepinen institutta oqıw ádebiyatların jaratıw hám baspadan shıǵarıw, ámeldegi oqıw ádebiyatlarına kirgizilgen tiykarǵı oqıw ádebiyatlarınıń jaǵdayı, baspa rejeleriniń orınlanıwı, oqıw ádebiyatların basıp shıǵarıw ushın ishki imkaniyatlardan qarjı ajıratılǵanlıǵı, ádebiyatlardıń periodlıq kórsetkishleriniń jańalanıwı, sonday-aq, málimleme-resurs orayında olardıń baspa hám elektron formalarınıń bolıwı, avtorlardı xoshametlew sistemasınıń engizilgenligi, jańalanǵan bilimlendiriw klassifikatorına muwapıq pánlerdiń oqıw ádebiyatları menen támiyinleniw jaǵdayı, málimleme-resurs orayı fondındaǵı oqıw hám ilimiy ádebiyatlardı elektron formaǵa ótkeriw jaǵdayları úyrenip shıǵılmaqta.

NMPI baspasóz xızmeti.