Qazaqstan Respublikası L.N.Gumilyov atındaǵı Evraziya milliy universitetinde «Shet tilleri: (inglis tili oqıtıwshısı)» baǵdarı boyınsha joqarı oqıw orınlarınıń studentleri arasında II Xalıqaralıq olimpiada bolıp ótti.

Xalıqaralıq olimpiadaǵa Rossiya, Belarus, Ózbekstan, Qırǵızstan hám Qazaqstannıń onǵa shamalas joqarı oqıw orınlarınan, sonıń ishinde, Ájiniyaz atındaǵı Nókis mámleketlik pedagogikalıq institutı Shet tilleri fakulteti inglis tili hám ádebiyatı tálim baǵdarınıń studentleri de qatnastı.

Eki turdan ibarat bolǵan xalıqaralıq olimpiadada institutımız studenti Maftuna Juraeva 1-orındı iyelep, xalıqaralıq olimpiada jeńimpazı bolǵan bolsa, jáne bir studentimiz Sevinch Orınbaeva sıylı 3-orındı iyeledi.

Sonıń menen birge, xalıqaralıq olimpiadada belsene qatnasqan institutımız studentleri Ayzada Nurimova, Sarvarbek Davronov, Húrliman Biysenbaeva sertifikatlar menen sıylıqlandı.

Xalıqaralıq olimpiadada joqarı nátiyjelerge erisken institutımız studentleri hám olardıń ustazların shın júrekten qutlıqlaymız!

NMPI baspasóz xızmeti.