Qazaqstan Respublikasınıń Ál-Farabiy atındaǵı Qazaq milliy universitetinde «Texnologiyanıń klimat ózgeriwine tásiri» («The Impact of Technology on Climate Change») atamasındaǵı xalıqaralıq formattaǵı dógerek sáwbeti bolıp ótti.

Ilajǵa ǴMDA hám basqa da mámleketlerdiń joqarı oqıw orınlarınan, sonıń ishinde, Ájiniyaz atındaǵı Nókis mámleketlik pedagogikalıq institutı Shet tilleri fakulteti inglis tili hám ádebiyatı tálim baǵdarınıń student-jasları da qatnastı.

Dógerek sáwbetinde studentler zamanagóy texnologiyalardıń turmısımızdaǵı áhmiyeti, olardıń qorshaǵan ortalıqqa tásiri haqqında pikir almastı.

Kún tártibindegi másele boyınsha tańlaw formatında prezentaciyalar islep, bayanatlar jasadı.

Áhmiyetli tárepi, dógerek sáwbetinde áhmiyetli pikir-usınısların bildirgen institutımız studentlerinen Humoyun Xursanov 1-orındı, Sarvar Xudaynazarov sıylı 2-orındı iyeledi.

NMPI baspasóz xızmeti.