Aldın xabar bergenimizdey, Ózbekstan Qaharmanları – Ózbekstan hám Qaraqalpaqstan xalıq shayırı Ibrayım Yusupov jáne Ózbekstan hám Qaraqalpaqstan xalıq jazıwshısı Tólepbergen Qayıpbergenovtıń tuwılǵanına 96 jıl tolıwı múnásibeti menen «Dala dilwarı» hám «Sahra suńqarı» atamasındaǵı tańlawlar járiyalanǵan edi.

Búgin, 3-may kúni usı tańlawlardıń institut basqıshı bolıp ótti.

Qatnasıwshı studentler ádebiyatımız bayterekleriniń dóretiwshiliginen kórkemlep aytıw, monolog oqıw, namalı qosıqların atqarıw hám shıǵarma tiykarında súwret soǵıw sıyaqlı shártler boyınsha óz qábiletlerin kórsetiwge háreket etti.

Sonıń menen birge, Ibrayım Yusupov hám Tólepbergen Qayıpbergenovtıń dóretiwshiligi boyınsha videorolikler tayarlaw, magistrantlar arasında ilimiy maqalalar tańlawlarına kelip túsken materiallar tóreshiler quramı aǵzalarına inám etildi.

Jeńimpaz dep tabılǵan student hám magistrantlar institut rektoratı tárepinen ótkeriletuǵın respublikalıq konferenciya sheńberinde diplom hám qımbat bahalı sawǵalar menen sıylıqlanadı.

NMPI baspasóz xızmeti.