Ájiniyaz atındaǵı Nókis mámleketlik pedagogikalıq institutında 9-may – Eslew hám qádirlew kúni múnásibeti menen áskeriy taraw veteranları, nuranıy ustazlar menen student-jaslardıń ushırasıwı bolıp ótti.

Ilajdı instituttıń jaslar máseleleri hám ruwxıy-aǵartıwshılıq isleri boyınsha birinshi prorektorı wazıypasın waqıtsha atqarıwshısı Qarjawbay Reymov basqarıp bardı.

Ushırasıwda Qaraqalpaqstan Respublikasına miyneti sińgen mádeniyat xızmetkeri, Ózbekstan hám Qaraqalpaqstan Jazıwshılar awqamlarınıń aǵzası M.Matekov, Arqa-batıs áskeriy okrugi Veteranlar isleri boyınsha keńesiniń baslıǵı, rezervtegi podpolkovnik A.Yusupov, Qaraqalpaqstan Respublikası Qorǵanıw isleri basqarması Veteranlar isleri boyınsha keńesiniń baslıǵı, mayor D.Allamuratov, Qaraqalpaqstan Respublikası Awǵanstan veteranları keńesiniń aǵzası O.Tóreniyazov Ekinshi jer júxilik urıs jıllarında elimizdiń tınıshlıǵı hám paraxat turmısın qorǵap, keleshek áwladlar ushın usınday abadan dáwirdi qurıwǵa múnásip úles qosqan márt hám qaharman ata-babalarımızdıń erlikleri haqqında aytıp ótti.

Sonıń menen birge, veteran áskeriy xızmetkerler jaslarǵa ózleriniń ómir jolı, awǵan urısınıń aqıbetleri haqqında ayta kelip, búgingidey tınısh hám paraxat turmısımızdıń qádirine jetip, jaratılıp atırǵan imkaniyatlardan nátiyjeli paydalanıp, elimizdiń rawajlanıwına úleslerin qosıwǵa shaqırdı.

NMPI baspasóz xızmeti.