Ájiniyaz atındaǵı Nókis mámleketlik pedagogikalıq institutı rektorınıń hayal-qızlar máseleleri boyınsha másláhátshisi S.Bekchanovanıń baslaması menen «Qızlar dógeregi» tańlawı shólkemlestirildi.

Tańlaw tanıstırıw, studentler turmısınan saxnalıq kórinis, soraw-juwap, «On barmaǵı – on óner» atamasındaǵı erkin tema sıyaqlı shártler boyınsha ótkerildi.

Tańlawǵa hár bir fakultetten bir tiykarǵı hám tórt járdemshi qatnasıwshılar – ulıwma besewden student-qızlar qatnastı jáne joqarıdaǵı shártler boyınsha ózleriniń bilimi, sheberlikleri, qábiletlerin kórsetiwge háreket etti.

Tańlaw juwmaǵında Túrkiy tiller fakulteti 1-orın, Mektepke shekemgi tálim fakulteti 2-orın, Fizika-matematika fakulteti 3-orındı iyeledi.

Jeńimpazlar hám sıylı orın iyeleri institut rektoratı hám kásiplik awqamı komiteti tárepinen sıylıqlandı.

NMPI baspasóz xızmeti.