Институтымыз ректоры Байрамбай Отемуратов математика-информатика ҳәм физика-мийнет факультетлеринде оқып атырған социаллық қорғаўға мүтәж, майыплығы болған, төлемли контракт тийкарында оқып атырған кем тәмийинленген шаңарақ перзентлери, шаңарақлы студентлер менен ашық сәўбетлесиў өткерди.

Сәўбетлесиў илажына институттың жаслар менен ислесиў мәселелери бойынша проректоры Қ.Қадиров ҳәм факультетлердиң деканлары, декан орынбасарлары, топар басшылары, сондай-ақ, институт психологы қатнасты.

Ашық сәўбетлесиўде институт студентлери төлемли контракт, тәлим кредити бойынша дус келип атырған машқалалар, сондай-ақ, оқыўда, жәмийетлик жумысларда орын алып атырған кемшиликлер өзлерин қыйнап жүрген сораўларына тийисли жуўаплар алды.

Тиккелей институт басламасы шешим табылатуғын мәселелер сол орынның өзинде жуўапкер тәреплерге унамлы шешиў мақсетинде тапсырылды.

Соның менен бирге, тек ғана институт көлеминде емес, республикалық көлемде шешимин күтип турған машқалалар бойынша усыныслар таярланып, тийисли мәкеме ҳәм шөлкемлерге жиберилетуғынлығы атап өтилди.

Сәўбетлесиў илажында институт студентлери тәрепинен оқыў процеси менен байланыслы усыныслар да билдирилди.

Ислам Матеков,

НМПИ баспасөз хаткери.