Ájiniyaz atındaǵı Nókis mámleketlik pedagogikalıq institutı málimleme-resurs orayında 9-may – Eslew hám qádirlew kúni, sonıń menen birge, Ekinshi jer júzilik urısta fashizm ústinen erisilgen jeńistiń 80 jıllıǵı múnásibeti menen «Insan qádiri – ullı, esteligi máńgi» atamasındaǵı kitapqumarlıq keshesi shólkemlestirildi.

Ilajda instituttıń tariyx kafedrasınıń úlken oqıtıwshısı S.Dosmaǵanbetov, málimleme-resurs orayınıń direktorı G.Jiyemuratova, bólim baslıǵı Z.Qaynarovalar student-jaslarǵa Ekinshi jer júzilik urıs dáwirindegi ata-babalarımızdıń basınan keshirgen qıyın jaǵdayları, urıstaǵı qaharmanlıqları haqqında maǵlıwmatlar berdi.

Sonıń menen birge, sózge shıqqanlar búgingidey tınısh-paraxat turmısımızdıń qádirine jetip, Watanımızdı qorǵaw hár birimizdiń ádiwli minnetimiz ekenligin atap ótti.

Keshede jaslar ózlerin qızıqtırǵan sorawlarǵa tolıq juwaplar aldı.