Búgin, 22-may kúni Namangan mámleketlik universitetinde áhmiyetli xalıqaralıq ilaj – Ózbekstan Respublikası hám Rossiya Federaciyası aymaqlar aralıq joqarı oqıw orınları rektorlarınıń konferenciyası óz jumısın basladı.

Bul konferenciya eki mámleket arasındaǵı bilimlendiriw tarawındaǵı strategiyalıq birge islesiwdi bekkemlew, ilimiy-izertlew baylanısların keńeytiw hám professor-oqıtıwshılar jáne studentler almasıwı boyınsha aldaǵı rejelerdi dodalaw maqsetinde shólkemlestirildi.

Konferenciyanıń jalpı májilisinde eki mámlekettiń jetekshi joqarı oqıw orınları basshıları, taraw qánigeleri hám rásmiy delegaciyalar qatarında Ájiniyaz atındaǵı Nókis mámleketlik pedagogikalıq institutı rektorı Quvondiq Qodirov basshılıǵındaǵı institut delegaciyası da qatnaspaqta.

Májilis dawamında Ózbekstan hám Rossiya joqarı oqıw orınları arasındaǵı birge islesiwdi ele de rawajlandırıw, jańa qospa baǵdarlamalardı jolǵa qoyıw, ilim, bilimlendiriw, innovaciya hám kadrlar tayarlawda birge islesiw máseleleri dodalanbaqta.