Ájiniyaz atındaǵı Nókis mámleketlik pedagogikalıq institutı hayal-qızlar keńesi tárepinen «Áhmiyetli 90 kún» ilajları sheńberinde jas shańaraqlı pedagog xızmetkerler arasında «Abadan shańaraqqa qaray» súreni tiykarında tańlaw shólkemlestirildi.

Óz ara awızbirshilikli, bekkem, tatıw hám salamat shańaraqlardı xoshametlew hám jaslar arasında shańaraqlıq qádiriyatlar, salamat turmıs tárizin úgit-násiyatlaw maqsetinde shólkemlestirilgen tańlawǵa Baslawısh tálim, Tábiyiy pánler hám Fizika-matematika fakultetlerinen jas shańaraqlı oqıtıwshılar, pedagog xızmetkerlerden ibarat komandalar qatnastı.

Qızıqlı soraw-juwap, aspazlıq sheberligi hám fizikalıq tayarlıq sıyaqlı birneshe shártler tiykarında ótken tańlaw juwmaǵında qatnasıwshılarǵa diplom hám institut kásiplik awqamı komiteti tárepinen tayarlanǵan sawǵalar tapsırıldı.

NMPI baspasóz xızmeti.