Ájiniyaz atındaǵı Nókis mámleketlik pedagogikalıq institutı Túrkiy tiller fakultetinde «Áhmiyetli 90 kún» ilajları sheńberinde talantlı shayır Baxıtlı Sarıbaev penen ushırasıw bolıp ótti.

Ushırasıwǵa «Mushayra» klubınıń aǵzaları bolǵan student-jaslar hám tyutorlar qatnastı.

Ilajda shayır házirgi waqıtta elimizde dóretiwshilikke qızıǵatuǵın, ádebiyattıń poeziya, proza hám drama sıyaqlı janrlarında qálem terbetetuǵın jaslarımızdı hár tárepleme qollap-quwatlaw baǵdarındaǵı jumıslar haqqında maǵlıwmat berip, óziniń dáslepki jazǵan qosıqları, ádebiyat maydanına kirip keliwi, ustazları haqqında aytıp ótti. Sonday-aq, sıyası keppegen jańa dóretpelerin oqıp berdi.

Jaslarǵa dóretiwshilik jolında tınımsız miynet etip, kóp shıǵarmalar, kitaplar oqıwı kerekligi haqqında másláhátler berdi.

Ushırasıw soraw-juwaplar hám pikir almasıwlar menen dawam etti.

NMPI baspasóz xızmeti.