Rossiya Federaciyası Kuban mámleketlik universitetinde «Sociallıq pedagogika hám deviant minez-qulq psixologiyası» atamasındaǵı II Xalıqaralıq ilimiy-dóretiwshilik tańlawı bolıp ótti.

Oǵan Rossiya, Belarus, Qazaqstan, Qırǵızstan, Ózbekstannıń aldınǵı joqarı oqıw orınlarınan, sonday-aq, Ájiniyaz atındaǵı Nókis mámleketlik pedagogikalıq institutı Baslawısh tálim fakultetiniń student-jasları ózleriniń ilimiy hám dóretiwshilik jumısları menen qatnastı.

Xalıqaralıq tańlaw juwmaǵında «Sociallıq-pedagogikalıq esse» baǵdarı boyınsha Dilyafruz Qońıratbaeva 2-orın, «Sociallıq-pedagogikalıq videorolik» baǵdarı boyınsha Tumaris Paxratdinova hám Gózzal Ǵayıpbaeva 2-orın, sonday-aq, Maftuna Saǵdatdinova hám Gózzal Ǵayıpbaeva 3-orın, «Sociallıq-pedagogikalıq plakat (reklama)» baǵdarında Húrliman Sharapatdinova 3-orındı iyelep, diplom hám sertifikatlar menen sıylıqlandı.

Solay etip, ulıwma 11 student penen qatnasqan Baslawısh tálim fakulteti tańlaw juwmaǵına bola ulıwma komandalıq esapta sıylı 3-orındı iyeledi.

Studentlerge tańlaw barısında baslawısh tálim kafedrasınıń oqıtıwshısı Timur Baynazarov basshılıq etti.

NMPI baspasóz xızmeti.