2025-2026-oqıw jılında joqarı hám kásiplik bilimlendiriw mákemelerine oqıwǵa kiriw test sınaqları 14-iyuldan 23-iyulǵa (10 kún) shekem bolıp ótedi.

Test sınaqları kúnine 2 smenada shólkemlestiriledi. 1-smena saat 08:00 de, 2-smena 15:00 de baslanadı. Abiturientlerden test sınaqları baslanıwınan keminde bir yarım saat aldın belgilengen aymaqqa jetip keliwi talap etiledi.

Test sınaqlarında qatnasıw ushın onlayn dizimnen ótken abiturientlerge «Abiturient ruxsatnaması» my.uzbmb.uz saytı arqalı berilmekte.

Abiturientlerden ózlerine tiyisli «Abiturient ruxsatnaması»n júklep alıwın hám qaǵazǵa shıǵarıp qoyıwın soraymız.

Abiturientler ruxsatnamada belgilengen mánzildegi imaratta, kórsetilgen sánede hám smenada test sınaqlarında qatnasadı. Abiturientlerge basqa aymaq, kún hám smenada test sınaqlarında qatnasıwǵa ruxsat berilmeydi.

Abiturientler test sınaǵına pasport (ID-karta) hám abiturient ruxsatnaması menen belgilengen waqıttan keshikpey keliwi shárt.

Pasport nusqası yamasa basqa hújjetler menen kelgen, sonday-aq, keshigip kelgen abiturientler test sınaqlarına kirgizilmeydi!

Barlıq abiturientlerden ruxsatnamalardı júklep alıwı soraladı!

NMPI baspasóz xızmeti.