Ájiniyaz atındaǵı Nókis mámleketlik pedagogikalıq institutı málimleme-resurs orayında «Áhmiyetli 90 kún» ilajları sheńberinde «Kórkemlep oqıw» atamasındaǵı tańlaw shólkemlestirildi.

Student-jaslardıń jazǵı demalıs dáwirin mazmunlı ótkeriw, sóylew mádeniyatı hám kórkemlep oqıw kónlikpelerin rawajlandırıw maqsetinde ótkerilgen tańlawda qatnasıwshılar kórkem shıǵarmalardan úzindiler oqıdı.

– Bul tańlaw arqalı studentler kórkem shıǵarmalardıń mazmunı menen tanısıp, olardı tereń túsiniwi hám sóz baylıǵın jetilistiriwi, logikalıq pikirlew qábiletleri jáne tásirli sóylew sheberligin arttırıp barıwı baslı maqset etip alınǵan, – deydi tańlaw shólkemlestiriwshisi, málimleme-resurs orayınıń bas kitapxanashısı Z.Áwezova.

Tańlawda Mektepke shekemgi tálim fakultetiniń tyutorı A.Serimbetov basshılıǵındaǵı studentler belsene qatnasıp, ózbek, qaraqalpaq hám jáhán ádebiyatınıń belgili shıǵarmalarınan úzindiler oqıdı.