Búgin, 12-iyul kúni Ózbekstan Respublikası Mektepke shekemgi hám mektep bilimlendiriwi ministri Hilola Umarova hám Qaraqalpaqstan Respublikası Ministrler Keńesiniń Baslıǵı Farxod Ermanov qatnasıwında Ájiniyaz atındaǵı Nókis mámleketlik pedagogikalıq institutınıń professor-oqıtıwshıları menen ashıq sáwbetlesiw bolıp ótti.

Ilajǵa tiyisli juwapkerler hám instituttıń pedagogikalıq jámááti qatnasıp, ámelge asırılıp atırǵan jumıslar, aldaǵı wazıypalar boyınsha óz pikir-usınısların bildirdi.

Ashıq sáwbetlesiw dawamında Ájiniyaz atındaǵı Nókis mámleketlik pedagogikalıq institutı rektorı etip tayınlanǵan Alisher Ubbiev institut jámáátine tanıstırıldı.

Bunnan soń ministr Hilola Umarova institutta Prezident qararı tiykarında ashılǵan Ájiniyaz muzeyi menen tanıstı hám institut janında shólkemlestirilgen 90 orınǵa mólsherlengen mektepke shekemgi bilimlendiriw shólkemin kózden ótkerdi.

Bul jerde jaratılǵan sharayatlardı úyrenip, óz usınısların bildirdi.

Ushırasıwda, sonday-aq, mektepke shekemgi bilimlendiriw baǵdarında klaster usılında kadrlar tayarlaw boyınsha ámelge asırılıp atırǵan jumıslar tuwralı da sóz etildi.

Maǵlıwmat ornında atap ótiw kerek, paydalanıwǵa tapsırılıw aldında turǵan bul mektepke shekemgi bilimlendiriw shólkemi instituttıń byudjetten tısqarı qarjıları esabınan qurıp pitkerilgen.

NMPI baspasóz xızmeti.