Ájiniyaz atındaǵı Nókis mámleketlik pedagogikalıq institutı Tariyx fakultetiniń 3-kurs studenti Jasurbek Nurullaev Ózbekstanda Shanxay birge islesiw shólkemi Xalıq diplomatiyası orayınıń rásmiy elshisi etip tayınlandı.

Maǵlıwmat ornında atap ótiw kerek, bul oray mámleketlik emes kommerciyalıq emes shólkem esaplanıp, Shanxay birge islesiw shólkemine aǵza mámleketler basshıları Keńesiniń 2017-jıl 9-iyundaǵı Astana qalasında bolıp ótken májilisinde Ózbekstan Respublikası tárepinen alǵa qoyılǵan baslama hám usınıslardı ámelge asırıw maqsetinde shólkemlestirilgen.

Joybardıń baslı maqseti SHBSH ortalıǵındaǵı xalıqlar arasında óz ara baylanıslardı bekkemlew, mádeniy birge islesiwdi kúsheytiw, jaslar hám puqaralıq jámiyeti wákilleri qatnasıwında regionallıq pikirlesiwdi tereńlestiriwden ibarat.

Institutımız studenti Jasurbek Nurullaev oraydıń rásmiy elshisi bolıw arqalı jas hám qábiletli lider sıpatında studentler jáne jaslar arasında SHBSH ideyaların keń úgit-násiyatlawǵa juwapker boladı.

NMPI baspasóz xızmeti.