Ózbekstan Respublikası Jaslar isleri agentligi direktorınıń birinshi orınbasarı, máhállelerde jaslar menen islesiw sistemasın kúsheytiw, mashqalalardı anıqlap, ornında ámeliy sheshimler beriw maqsetinde shólkemlestirilgen Respublikalıq komissiyasınıń aǵzası Dilnozaxon Kattaxonova Ájiniyaz atındaǵı Nókis mámleketlik pedagogikalıq institutınıń oqıw-dala ámeliyatı ornında jumıs alıp barıp atırǵan «Studentler jazǵı lageri»ne keldi.

Bul jerde joqarı oqıw orınları student-jaslarınıń jazǵı demalıs waqıtların mazmunlı ótkeriw, olardı sport, intellektual oyınlar hám kewilashar ilajlarǵa qamtıp alıw maqsetinde shólkemlestirilip atırǵan hár qıylı ilajlar, jaratılǵan sharayatlar menen tanıstı.

Dem alıwǵa kelgen student-jaslar menen sáwbetlesip, olardıń qızıǵıwshılıqları, aldaǵı rejeleri haqqında pikir almastı hám usınısların tıńladı.

NMPI baspasóz xızmeti.