Fakultet dekanları, kafedra baslıqları hám professor-oqıtıwshılar dıqqatına!
Ájiniyaz atındaǵı Nókis mámleketlik pedagogikalıq institutında professor-oqıtıwshılardıń oqıw materialların sapalı hám zamanagóy túrde tayarlawı ushın videosabaqlardı jazıp alıwǵa mólsherlengen, barlıq talaplarǵa juwap beretuǵın studiyanıń jumısı jolǵa qoyıldı.
Bul studiya professional video súwretke alıw úskeneleri, qolaylı jumıs stolı hám interaktiv bilimlendiriw kontentin jaratıw imkaniyatlarına iye. Sonıń ishinde, xromakey texnologiyası tiykarında videosabaqlar tayarlaw, grafika hám animaciyalar qosıw arqalı sabaqlar mazmunlı hám vizuallıq jaqtan qızıqlı túrde usınılıwı támiyinlenedi.
Barlıq professor-oqıtıwshılardı usı studiya imkaniyatlarınan nátiyjeli paydalanıwǵa shaqıramız.
Studiya mánzili: NMPI bas imaratı, 2-qabat IT-inkubaciya orayı.