Búgin, 3-sentyabr kúni respublikamızdaǵı barlıq joqarı oqıw orınları qatarında Ájiniyaz atındaǵı Nókis mámleketlik pedagogikalıq institutında 2025-2026-oqıw jılında birinshi kursqa usınıs etilgen studentler ushın oqıw jılı baslandı.

Dáslepki sabaqlar «Watan ushın, xalıq ushın, millet ushın» súreni tiykarında «Ǵárezsizlik sabaqları» menen dawam etip, studentlerge tálim baǵdarları, oqıw procesi hám institut turmısı haqqında áhmiyetli maǵlıwmatlar berildi.

Institut jámááti barlıq studentlerdi, sonıń ishinde, birinshi márte studentlik baxtına erisken jaslardı shın júrekten qutlıqlaydı. Olarǵa ilim shıńların iyelewde, aldaǵı oqıwlarında tabıslar tileydi.

NMPI baspasóz xızmeti.