Ájiniyaz atındaǵı Nókis mámleketlik pedagogikalıq institutı Ellikqala pedagogika fakultetinde jańa 2025-2026-oqıw jılınıń saltanatlı ashılıwına arnalǵan bayram ilajı bolıp ótti.

Saltanatlı ilajǵa rayon hákiminiń orınbasarı A.Atajanov, fakultet dekanı E.Asamaddinov, professor-oqıtıwshılar, oqıwǵa usınıs etilgen studentler hám olardıń ata-anaları, keń jámiyetshilik wákilleri qatnastı.

Sózge shıqqanlar studentlerge jańa oqıw jılında joqarı jetiskenlikler tilep, olardı bilim alıwda belsendilikke, intáker hám izleniwsheń bolıwǵa shaqırdı.

Bunnan soń fakultette studentler ushın jaratılǵan sharayatlar, oqıw auditoriyaları hám málimleme-resurs orayı menen tanısıw ilajı ótkerildi.

Fakultette jaratılǵan sharayatlar jaslarǵa qolaylı hám nátiyjeli bilim alıwı ushın keń imkaniyatlar jaratatuǵınlıǵı atap ótildi.