Ózbekstan Respublikası Joqarı bilimlendiriw, ilim hám innovaciyalar ministrligi tárepinen joqarı oqıw orınlarında gúz-qıs máwsimine tayarlıq jumıslarınıń barısın úyreniw boyınsha shólkemlestirilgen Respublikalıq jumısshı topar aǵzaları Ájiniyaz atındaǵı Nókis mámleketlik pedagogikalıq institutına keldi.

Úyreniw jumısları dawamında jumısshı topar aǵzaları studentler turaq jaylarında jılıtıw sistemaları, tábiyiy gaz, elektr energiyası hám suw támiynatınıń jaǵdayı, órt qáwipsizligi úskenelerin kózden ótkerdi.

Sonday-aq, máwsimlik ońlaw jumısları, jıllılıqtı saqlap turıw ilajlarınıń kórilgeni, studentler hám xızmetkerler ushın qolaylı sharayatlardıń jaratılıw jaǵdayları ayrıqsha itibarǵa alındı.

Bunday ilajlar gúz-qıs máwsimin qáwipsiz jáne nátiyjeli ótkeriwge xızmet etedi.

NMPI baspasóz xızmeti.