Ájiniyaz atındaǵı Nókis mámleketlik pedagogikalıq institutı sport klubı tárepinen student-jaslardıń sabaqtan bos waqtın mazmunlı ótkeriw, olar arasında salamat turmıs tárizin engiziw hám institut saylandı komandası ushın rezerv sportshılardı anıqlaw maqsetinde «Bes baslama olimpiadası» hám «Jańa Ózbekstan Olimpiya shıńları» sport jarıslarına start berildi.

Mini futbol, voleybol, stritbol, stol tennisi hám jeńil atletika boyınsha ótkeriletuǵın sport jarıslarına akademiyalıq toparlarda oqıp atırǵan studentler komandalıq hám jeke formatlarda qatnaspaqta.

Ilajdıń ashılıw máresiminde sport klubı baslıǵınıń orınbasarı Miralım Allanazarov sózge shıǵıp, barlıq studentlerdi oqıw jılı dawamında ótkeriletuǵın sport jarıslarına belsene qatnasıwǵa shaqırdı.

Sport jarısları dawam etpekte.

NMPI baspasóz xızmeti.