Ájiniyaz atındaǵı Nókis mámleketlik pedagogikalıq institutı hayal-qızlar másláhát keńesi baslaması menen milliy qádiriyatlarımızdı qásterlep saqlaw, student-jaslarda milliy úrp-ádet hám dástúrlerge húrmet sezimin qáliplestiriw maqsetinde «Xan atlas» festivalı shólkemlestirildi.

Ilaj dawamında student-qızlar milliy kiyimler kórgizbesi, kórkem-ádebiy kórinisler hám dóretiwshilik kompoziciyaları arqalı óz qábiletlerin kórsetti. Festivalda qatnasıwshılarǵa ata-babalardan miyras bolıp kiyatırǵan «Atlas» hám «Adras» tawarlarınıń jaratılıw tariyxı, olardıń ózine tán bezewleri hám házirgi waqıttaǵı qollanılıwı haqqında maǵlıwmatlar berildi.

Bunday ilajlar student-jaslardıń ruwxıy dúnyasın bayıtıw menen birge, olardıń milliy qádiriyatlarǵa bolǵan qızıǵıwshılıǵı hám itibarın da bekkemlewge xızmet etedi.

NMPI baspasóz xızmeti.