Búgin, 19-sentyabr kúni Ózbekstan jaslar awqamı Oraylıq Keńesi baslanǵısh shólkemlerdiń jumısların muwapıqlastırıw bóliminiń wákili Jahongir Muhammadov Ájiniyaz atındaǵı Nókis mámleketlik pedagogikalıq institutına keldi.

Ilaj dawamında institutta student-jaslardıń bilim alıwı, bos waqıtların mazmunlı ótkeriwi, qábiletlerin júzege shıǵarıwı ushın jaratılǵan sharayatlar, hár qıylı dógerekler hám klublardıń jumısları menen tanıstı.

Institut jaslar awqamı juwapkerleri hám belsendi studentler menen bolıp ótken ushırasıwda baslanǵısh shólkemniń jumısı, ámelge asırılıp atırǵan joybarlar, jaslardıń baslamaları hám olardı qollap-quwatlaw máseleleri dodalandı.

Studentler menen ashıq pikirlesiw ótkerilip, olardıń ilim, bilimlendiriw, mádeniyat, ádebiyat hám sport baǵdarları boyınsha pikir-usınısları tıńlandı.

Jaslar awqamı wákilleriniń institutqa saparı jaslar ushın bunnan bılay da jańa imkaniyatlar jaratıw hám hár tárepleme qollap-quwatlaw jumıslarınıń nátiyjeliligin arttırıwǵa xızmet eteri sózsiz.

NMPI baspasóz xızmeti.