Ózbekstan Respublikası bilimlendiriw shólkemlerine qabıllaw boyınsha Mámleketlik komissiyasınıń protokolına muwapıq, 2025-2026-oqıw jılı ushın bakalavriat tálim baǵdarlarında vakant qalǵan orınlarǵa qosımsha qabıllaw ámelge asırıladı.

Oǵan bola, 2025-jıldaǵı kiriw imtixanlarında 56,7 ball hám onnan joqarı nátiyje kórsetken, biraq studentlikke usınıs etilmegen, sonıń ishinde, dizimnen ótiwdiń ekinshi basqıshında joqarı oqıw ornı hám bakalavriat tálim baǵdarların saylamaǵan abiturientlerge tómendegi imkaniyatlar jaratıladı:

– mámleketlik joqarı oqıw orınlarında qalǵan vakant bakalavriat tálim baǵdarlarına tańlawda qatnasıw ushın 2025-jıl 25-sentyabrden 3-oktyabrge shekem (sol kúni de) my.uzbmb.uz saytı arqalı onlayn dizimnen ótiw imkaniyatı jaratıladı;

– dizimnen ótken abiturientler toplaǵan ballarınıń izbe-izligine qatań ámel etilgen halda vakant orınlarǵa bazalıq tólemli kontrakt tiykarında studentlikke usınıs etiledi;

– dizimnen ótiw procesinde pánler kompleksi sáykes bolǵan bakalavriat baǵdarın saylaw imkaniyatı beriledi;

– tańlaw nátiyjeleri boyınsha dizimler 2025-jıl 8-oktyabrge shekem basıp shıǵarılıp, tiyisli joqarı oqıw orınlarına studentlikke qabıllaw boyınsha hújjetlerdi rásmiylestiriw ushın jetkeriledi.

Ulıwmalıq qabıllaw parametrlerinde vakant orınlar qalǵan bakalavriat tálim baǵdarları boyınsha maǵlıwmatlar Bilim hám mamanlıqlardı bahalaw agentliginiń rásmiy veb-saytında járiyalanadı.

NMPI baspasóz xızmeti.