Ájiniyaz atındaǵı Nókis mámleketlik pedagogikalıq institutınıń jaslar máseleleri hám ruwxıy-aǵartıwshılıq isleri boyınsha birinshi prorektorı Quvondiq Qodirov 3-sanlı studentler turaq jayında jasap atırǵan jaslar menen ashıq pikirlesti.

Ushırasıw dawamında studentler ushın jaratılıp atırǵan sharayatlar, olardıń tálim-tárbiyası, bos waqtın mazmunlı shólkemlestiriw máseleleri hár tárepleme dodalandı.

Prorektor jaslardıń baslama hám usınısların tıńlap, olardıń hár bir pikiri institut basshıları ushın áhmiyetli ekenin ayrıqsha atap ótti. Sonday-aq, studentler ushın jaratılǵan imkaniyatlardan nátiyjeli paydalanıw, sociallıq belsendilikti arttırıw hám salamat ortalıqtı qáliplestiriw zárúrligi haqqında sóz etildi.

Bunday sáwbetlesiwler jaslardıń mashqalaların úyreniw menen birge, olarǵa isenim bildiriw, keleshekke isenimli qádem taslawǵa ruwxlandırıwǵa xızmet etedi. Óytkeni, jaslar – itibar hám isenim orayında.

NMPI baspasóz xızmeti.