Búgin, 30-sentyabr kúni paytaxtımız Nókis qalasındaǵı Qaraqalpaqstan kórkem óner sarayında «1-oktyabr – Muǵallimler hám ustazlar kúni» múnásibeti menen bayram saltanatı bolıp ótti.

Onda Qaraqalpaqstan Respublikası Joqarǵı Keńesiniń Baslıǵı Amanbay Orınbaev jıynalǵanlardı kásiplik bayramı menen qutlıqladı.

Ilajda Qaraqalpaqstan Respublikası Joqarǵı Keńesi Prezidiumınıń qararı menen bir topar taraw pidayılarına húrmetli ataqlar, kókirek belgileri hám xoshametlew sıylıqları saltanatlı túrde tapsırıldı.

Quwanıshlısı, olar arasında Ájiniyaz atındaǵı Nókis mámleketlik pedagogikalıq institutında kóp jıllardan berli pidayı xızmet etip atırǵan professor-oqıtıwshılar da bar.

Atap aytqanda:

– Qaraqalpaq ádebiyatı kafedrasınıń docenti Mámbetov Qabıl Pirniyazovich – «Qaraqalpaqstan Respublikasına miyneti sińgen jaslar ustazı» húrmetli ataǵı menen;

– Texnologiyalıq tálim kafedrasınıń docenti Ibragimov Bayniyaz Aytbaevich – «Ardaqlı nuranıy» kókirek belgisi menen;

– Biologiya kafedrasınıń docenti Tájibaeva Muyassar Karimbaevna – «Ibratlı hayal» kókirek belgisi menen sıylıqlandı.

Sıylıqlanǵan institutımız professor-oqıtıwshıların shın júrekten qutlıqlaymız hám aldaǵı ilimiy-pedagogikalıq jumıslarında tabıslar tileymiz!

NMPI baspasóz xızmeti.