Áziz ustazlar! Qádirli muǵallimler hám professor-oqıtıwshılar!
Tálim-tárbiya tarawınıń jankúyer xızmetkerleri hám veteranlar!

Sizlerdi, sizler arqalı ustaz degen ullı ataqqa erisip kiyatırǵan maqtanıshlı kásip iyelerin ulıwma xalıqlıq bayram – Muǵallimler hám ustazlar kúni menen shın júrekten qutlıqlayman.

Tálim-tárbiya procesi – xalqımızdıń erteńgi kúni, elimizdiń keleshegi menen tikkeley baylanıslı ullı hám juwapkershilikli wazıypa bolıp tabıladı. Siz, áziz ustazlarımız bolsa usı maqtanıshlı wazıypanı pidayılıq penen atqarıp, bilimli, ruwxıy dúnyası bay, Watanǵa sadıq perzentlerdi kamalǵa keltirip atırsız.

Búgin elimizdiń rawajlanıwı, ilim, bilimlendiriw, mádeniyat tarawındaǵı jetiskenliklerimizde sizlerdiń miynetińiz, mehir-muhabbatıńız hám pidayılıǵıńızdıń ornı úlken. Sizlerdiń sabır-tózimińiz, joqarı dárejedegi juwapkershiligińiz hám oqıwshılarǵa bolǵan miyrimińiz sebepli oqıw dárgaylarımızda iygilikli dástúrler dawam etpekte.

Usınday ullı kásip iyeleri búgin elimizde ózgeshe húrmet-izzetke bólenbekte.

Qádirli ustazlar! Húrmetli professor-oqıtıwshılar!

Hámmeńizdi ulıwma xalıqlıq bayram menen jáne bir márte qutlıqlay otırıp, joqarı dárejeli hám juwapkershilikli jumıslarıńızda kúsh-ǵayrat, joqarı nátiyje, shańaraqlarıńızǵa amanlıq, mol ırısqı-nesiybe tileymen!

Sheksiz húrmet penen,
Alisher Ubbiyev,
Ájiniyaz atındaǵı Nókis mámleketlik pedagogikalıq institutı rektorı.