Usı jıldıń 4-oktyabr kúni paytaxtımız Nókis qalasında marafon boyınsha «NUKUS Half Marathon» jarısı hám Qaraqalpaqstan Respublikası chempionatı bolıp ótti.

5 kilometr hám 21 kilometr aralıqqa juwırıw boyınsha ótkerilgen jarısqa Ájiniyaz atındaǵı Nókis mámleketlik pedagogikalıq institutınan mıńnan aslam student-jaslar hám kewilliler qatnastı.

Quwanıshlısı, 21 kilometrge juwırıw boyınsha hayal-qızlar arasında institutımızdıń Pedagogika-psixologiya hám dóretiwshilik tálim fakulteti dene mádeniyatı tálim baǵdarınıń studenti Ejemaya Bazarbaeva 1-orındı iyelep, 3 million sum jeńimpazı boldı.

Sonday-aq, usı aralıqqa juwırıwdan erler arasında Ellikqala fakulteti dene mádeniyatı tálim baǵdarınıń studenti Yuldash Satimbaev sıylı 2-orındı iyelep, 1 million sum menen sıylıqlandı.

NMPI baspasóz xızmeti.