«Oraylıq Aziya pedagogları – bir region, bir hawaz, bir kúsh!» súreni tiykarında ótkerilip atırǵan Oraylıq Aziya pedagogları xalıqaralıq forumınıń qatnasıwshıları Taxtakópir rayonında jaylasqan «Qaratereń» turistlik kompleksinde boldı hám bul jerdegi bir qatar mádeniy-aǵartıwshılıq ilajlarda qatnastı.

Atap aytqanda, etno-turistlik komplekste jaratılǵan sharayatlar, qaraúydiń qurılıs processleri, haqıyqıy shól ortalıǵı hámmede birdey qızıǵıwshılıq oyattı.

Sonday-aq, aymaqta shólkemlestirilgen qaraqalpaq milliy kórkem óneri úlgileri hám etnografiyalıq kórkem shıǵıwlar miymanlarda úlken tásir qaldırdı.