Ájiniyaz atındaǵı Nókis mámleketlik pedagogikalıq institutında Qıtay Xalıq Respublikasınıń abıroylı «Yinghua Academy» xalıqaralıq mektebiniń bas direktorı Lin Xiangyang hám usı oqıw ornınıń insan resursları, sonday-aq, xalıqaralıq almasıw hám sırtqı isler boyınsha qánigesi Zhou Yan menen ushırasıw bolıp ótti.

Miymanlardı institut rektorı Alisher Ubbiyev hám prorektorlar, xalıqaralıq birge islesiw bóliminiń juwapkerleri kútip aldı.

Ilajda eki tárepleme birge islesiwdi rawajlandırıw, bilimlendiriw procesinde aldınǵı sırt el tájiriybelerin óz ara almasıw hám professor-oqıtıwshılar, studentler ushın xalıqaralıq baǵdarlamalar sheńberinde jańa imkaniyatlar jaratıw máseleleri dodalandı.

Ushırasıw dawamında tárepler oqıw baǵdarlamaları, akademiyalıq almasıw, professor-oqıtıwshılardıń qánigeligin jetilistiriw, shet tilleri oqıtıw metodikasın jetilistiriw sıyaqlı baǵdarlarda birge islesiw baylanısların keńeytiw boyınsha usınısların bildirdi.

«Yinghua Academy» wákilleri instituttaǵı bilimlendiriw ortalıǵı hám jaratılǵan sharayatlardı joqarı bahalap, aldaǵı waqıtta óz ara tájiriybe almasıw baǵdarlamaların jolǵa qoyıw niyetin bildirdi.

Ushırasıw juwmaǵında tárepler óz ara birge islesiwdi bunnan bılay da bekkemlew hám qospa joybarlardı ámelge asırıw boyınsha kelisip aldı.

NMPI baspasóz xızmeti.