Ájiniyaz atındaǵı Nókis mámleketlik pedagogikalıq institutı Filologiya fakulteti ózbek ádebiyatı kafedrası tárepinen «Túrkiy xalıqlar ádebiyatınıń izertleniwinde innovaciyalıq qatnaslar» atamasındaǵı xalıqaralıq ilimiy-ámeliy konferenciya shólkemlestirildi.

Ilajǵa Ózbekstan, Qazaqstan, Qırǵızstan, Túrkiya, Ázerbayjan sıyaqlı mámleketlerdiń jetekshi joqarı oqıw orınları hám ilimiy oraylarınan belgili ilimpazlar, professor-oqıtıwshılar hám jas izleniwshiler qatnastı.

Konferenciyanıń ashılıw plenar májilisinde instituttıń ilimiy isler hám innovaciyalar boyınsha prorektorı Quwanıshbay Seytnazarov sózge shıǵıp, ilajdıń ámeliy áhmiyeti hám onnan kútilip atırǵan nátiyjelerge toqtaldı jáne konferenciya jumıslarına tabıslar tiledi.

Konferenciyada túrkiy xalıqlardıń ádebiy miyrasın úyreniwde zamanagóy qatnaslar, sanlı texnologiyalardı engiziw, ádebiyattanıwdaǵı innovaciyalıq izertlew metodları hám mádeniy baylanıslardı bekkemlew máseleleri dodalandı.

Ilimiy bayanatlar dawamında qatnasıwshılar óz ara tájiriybe almasıp, túrkiy xalıqlar ádebiyatın salıstırmalı úyreniw, awdarma processleri hám elektron ádebiy bazalar jaratıw boyınsha áhmiyetli usınısların bildirdi.

Bul xalıqaralıq konferenciya túrkiy xalıqlar ádebiy miyrasın tereń izertlew, ilimiy baylanıslardı bekkemlew hám ádebiyattanıw tarawında innovaciyalıq ideyalardı engiziw baǵdarında úlken ámeliy áhmiyetke iye boldı.

NMPI baspasóz xızmeti.