Ájiniyaz atındaǵı Nókis mámleketlik pedagogikalıq institutı Tariyx fakultetinde studentlerdiń ata-anaları menen ushırasıw bolıp ótti. Ilajdıń tiykarǵı maqseti – bilimlendiriw procesiniń nátiyjeliligin arttırıw, studentler ushın jaratılǵan sharayatlar menen ata-analardı jaqınnan tanıstırıw hám olardıń pikir-usınısların úyreniwden ibarat boldı.

Ushırasıwda prorektorlar Quvondiq Qodirov hám Muxtar Ibragimov, fakultet dekanı Maman Sarıbaev shıǵıp sóylep, ata-analarǵa oqıw procesin shólkemlestiriw, studentlerdiń sabaqlarǵa qatnasıwı, reyting sisteması, ishki tártip-qaǵıydaları hám bilimlendiriwdiń sapasın arttırıw baǵdarında ámelge asırılıp atırǵan jumıslar haqqında maǵlıwmat berdi.

Sonday-aq, ilaj dawamında studentler turaq jayındaǵı sharayatlar, jaslar arasında ruwxıy-aǵartıwshılıq jumıslar, bos waqtın mazmunlı ótkeriw, ijara úylerinde qáwipsizlik máseleleri hám sociallıq qorǵaw ilajları boyınsha hár tárepleme túsinikler berildi.

Ushırasıw dawamında ata-analar perzentleriniń oqıw procesindegi jetiskenlikleri hám mashqalaları haqqında óz pikirlerin bildirip, oqıtıwshılar, tyutorlar hám fakultet basshıları menen ashıq sáwbetlesti.

Ilaj sońında belsendi jaslardıń ata-analarına minnetdarshılıq xatları tapsırıldı.