Usı jıldıń 25-26-oktyabr kúnleri Oman mámleketiniń Maskat qalasında hayal-qızlar saylandı komandaları arasında Asia Rugby Emirates Sevens Trophy 2025 xalıqaralıq turniri bolıp ótti. Turnirge Ózbekstan, Iran, Qubla Koreya, Iordaniya hám Livan mámleketleriniń saylandı komandaları qatnastı.

Xalıqaralıq turnir juwmaǵına muwapıq, Ózbekstan hayal-qızlar regbi-7 saylandı komandası 1-orındı iyeledi hám chempionlıqtı qolǵa kirgizdi.

Quwanıshlısı, saylandı komanda quramında Ájiniyaz atındaǵı Nókis mámleketlik pedagogikalıq institutı Pedagogika-psixologiya hám dóretiwshilik tálim fakulteti dene mádeniyatı tálim baǵdarınıń 1-kurs studenti Nafosat Odilova usı xalıqaralıq turnirde qatnasıp, óziniń joqarı dárejedegi fizikalıq imkaniyatları, intizamı hám komanda menen birge islesiw sheberligi menen aldınǵı oyınshılardıń biri sıpatında komandamızdıń jeńisine salmaqlı úlesin qostı.

Institut jámááti atınan studentimiz Nafosat Odilovanı hám onıń treneri Polat Mamutovtı xalıqaralıq turnirdegi jeńisi menen qutlıqlap, aldaǵı jarıslarda tabıslar tileymiz.

NMPI baspasóz xızmeti.