2020-jılı 11-noyabr kúni Tashkent qalasında bolıp ótken Ózbekstan Kásiplik awqamları federaciyasınıń VIII qurıltayında Ózbekstan Respublikası Prezidenti Shavkat Mirziyoyevtiń qurıltay qatnasıwshılarına jollaǵan qutlıqlawında 11-noyabrdi «Kásiplik awqamları kúni» dep belgilew usınıs etilgen edi.

Ájiniyaz atındaǵı Nókis mámleketlik pedagogikalıq institutı jámááti atınan barlıq kásiplik awqamları tarawı xızmetkerlerin búgingi kásiplik bayramı hám Ózbekstan kásiplik awqamlarınıń 120 jıllıǵı menen qutlıqlay otırıp, aldaǵı jumıslarında tabıslar tileymiz.

Maǵlıwmat ornında atap ótiw kerek, búgingi kúnde instituttıń kásiplik awqamı komiteti aǵzaları sanı 15 mıńnan aslamdı quraydı.

Institut xızmetkerleri ushın jeterli miynet sharayatların jaratıp beriwdi qadaǵalaw kásiplik awqamı komiteti jumıslarınıń baslı baǵdarlarınıń biri bolıp, bunda jumıs islewshilerge miynet etiw, oqıtıw, studentlerge bilim alıw sharayatın jaratıwda Ózbekstan Respublikası «Miynetti qorǵaw haqqında»ǵı nızamı hám huqıqıy-normativlik hújjetler talapların orınlaw baǵdarında unamlı jumıslar ámelge asırılmaqta.