Germaniya Federativlik Respublikasınıń paytaxtı Berlin qalasında Ózbekstan hám Germaniya joqarı joqarı bilimlendiriw mákemeleri arasında birinshi bilimlendiriw forumı shólkemlestirildi.

Forum sheńberinde eki mámleket joqarı oqıw orınları arasındaǵı birge islesiwdi keńeytiwge baǵdarlanǵan 60 tan aslam shártnama hám memorandumlarǵa qol qoyıldı.

Áhmiyetlisi, xalıqaralıq forumda Ájiniyaz atındaǵı Nókis mámleketlik pedagogikalıq institutı ilimiy isler hám innovaciyalar boyınsha prorektorı Quwanıshbay Seytnazarov qatnasıp, Germaniyanıń aldınǵı joqarı oqıw orınları menen eki tárepleme birge islesiwdi jolǵa qoyıw boyınsha sóylesiwler alıp bardı.

Bunıń nátiyjesinde forum sheńberinde Ájiniyaz atındaǵı Nókis mámleketlik pedagogikalıq institutı hám Hochschule Zittau/Görlitz universiteti arasında birge islesiw boyınsha memorandumǵa qol qoyıldı.

NMPI baspasóz xızmeti.