Elimiz boylap dawam etip atırǵan «Jasıl mákan» ulıwma milliy joybarı sheńberinde «Taza qala» akciyası ótkerildi.

Akciya sheńberinde Ájiniyaz atındaǵı Nókis mámleketlik pedagogikalıq institutı jámááti hám student-jasları tárepinen jámiyetlik awızbirshilik hám miyrim-shápáát dástúrlerin ele de bekkemlew maqsetinde qayırqomlıq ilajı shólkemlestirildi.

Usı iygilikli baslama sheńberinde student-jaslar máhállelerde jasaytuǵın jalǵız qariyalardıń halınan xabar alıp, olardıń úy hám onıń átirapındaǵı jumıslardı islewge kómeklesti.

Ilaj dawamında studentler úy átirapın tártipke keltiriw, tazalaw, shıǵındılardı alıp taslaw sıyaqlı jumıslardı atqarıp, kekseler menen sáwbetlesti hám olardıń duwa-pátiyasın aldı.

Bul akciya kekseler ushın qolaylıq jaratıp ǵana qoymastan, studentlerde miyrim-shápáát, juwapkershilik sezimlerin kúsheytip, puqaralıq poziciyasın bekkemlewge xızmet etti.

Bunday ilajlar aldaǵı waqıtlarda da dawam etedi.