Ájiniyaz atındaǵı Nókis mámleketlik pedagogikalıq institutında student-jaslardıń huqıqıy mádeniyatın arttırıw, kúndelikli turmısta ushırasatuǵın ekonomikalıq processlerdi durıs túsiniw hám finanslıq qararlardı sanalı túrde qabıllaw kónlikpelerin qáliplestiriw maqsetinde «Tutınıwshılar huqıqı hám finanslıq sawatlılıq» atamasındaǵı oqıw seminarı shólkemlestirildi.

Ilajǵa Ózbekstan Respublikası Básekilikti rawajlandırıw hám tutınıwshılar huqıqların qorǵaw komitetiniń bólim baslıǵı Abdurahmon Raupov, German Sparkassenstiftung shólkeminiń xızmetkeri Liya Grauberger, Qaraqalpaqstan Respublikası Básekilikti rawajlandırıw hám tutınıwshılar huqıqların qorǵaw komiteti baslıǵınıń orınbasarı Alisher Yusupov, instituttıń juwapker qánigeleri hám student-jasları qatnastı.

Oqıw seminarında taraw qánigeleri tárepinen tutınıwshılardıń tiykarǵı huqıqları, sapalı ónim hám xızmetti saylaw kriteriyaları, shártnama qatnasıqlarında dıqqat qaratılıwı kerek bolǵan tárepler, aldawshılıq hám nızamǵa qayshı finanslıq operaciyalardıń aldın alıw boyınsha tolıq maǵlıwmatlar berildi.

Ilaj dawamında qatnasıwshılar ózlerin qızıqtırǵan sorawlarǵa qánigelerden tolıq juwap aldı.

NMPI baspasóz xızmeti.