Ájiniyaz atındaǵı Nókis mámleketlik pedagogikalıq institutı Filologiya fakultetinde 1-dekabr – Qaraqalpaq tili bayramı kúni hám qaraqalpaq tiline mámleketlik til biyligi berilgeniniń 36 jıllıǵına arnalǵan «Ana tilim – maqtanıshım» atamasındaǵı tańlaw shólkemlestirildi.

Tańlawǵa qaraqalpaq tili hám ádebiyatı tálim baǵdarınıń 2-kurs studentleri qatnastı.

«Sálemnama», «Qaraqalpaq til bilimi boyınsha soraw-juwap», «Saxnalıq kórinis», «Erkin tema» sıyaqlı shártler tiykarında ótkerilgen tańlawda studentlerdiń hár bir shıǵıwın tóreshiler quramı aǵzaları bahalap bardı hám jeńimpazlar jáne sıylı orın iyelerin anıqladı.

Álbette, bunday tańlawlar student-jaslar arasında qaraqalpaq tiline bolǵan húrmet hám itibardı ele de arttırıw menen birge olardıń iyelegen bilimlerin bahalawǵa tiykar jaratadı.

NMPI baspasóz xızmeti.