Ájiniyaz atındaǵı Nókis mámleketlik pedagogikalıq institutı Filologiya fakultetinde 25-noyabr – Hayal-qızlarǵa qaratılǵan zorlıqtı saplastırıw xalıqaralıq kúni múnásibeti menen ótkerilip atırǵan 16 kúnlik globallıq akciya sheńberinde ushırasıw shólkemlestirildi.

«Hayal-qızlarǵa qaratılǵan basım hám zorlıq háreketlerin saplastırıw ushın birleseyik» atamasında ótkerilgen ilajǵa Nókis qalası hákiminiń orınbasarı – Shańaraq hám hayal-qızlar bóliminiń baslıǵı Zulfiya Dáwletnazarova, Nókis qalalıq Ishki isler basqarmasınıń hayal-qızlar máseleleri boyınsha aǵa inspektorı, podpolkovnik Ayjamal Namenova, institut rektorınıń hayal-qızlar máseleleri boyınsha másláhátshisi Sayyora Bekchanova, Filologiya fakulteti dekanınıń hayal-qızlar máseleleri boyınsha másláhátshisi Miyirxan Allaniyazova, psixologlar, tyutorlar hám student-qızlar qatnastı.

Ushırasıwda sózge shıqqanlar hayal-qızlardıń huqıq hám máplerin qorǵaw, olardı sociallıq-ruwxıy jaqtan qollap-quwatlaw, hár qanday zorlıq háreketleriniń aldın alıw baǵdarında ámelge asırılıp atırǵan ilajlar haqqında tolıq maǵlıwmat berdi.

Ilaj dawamında taraw qánigeleri tárepinen hayal-qızlarǵa qaratılǵan zorlıqtıń túrleri, onıń aqıbetleri, huqıqıy qorǵanıw mexanizmleri, sonday-aq, 1146 – hayal-qızlar máseleleri boyınsha isenim telefonı imkaniyatları haqqında túsinikler berildi.

Ushırasıw sońında qatnasıwshılar óz pikir hám usınısların bildirdi.

NMPI baspasóz xızmeti.