Ájiniyaz atındaǵı Nókis mámleketlik pedagogikalıq institutında Koreya Respublikasınıń Ózbekstandaǵı konsullıǵı hám Qaraqalpaqstan koreysler associaciyası menen birgelikte koreys tili bilimleri 17-festivalı bolıp ótti.

Ilajǵa Koreya Respublikasınıń Ózbekstandaǵı Bas konsulı Xyon Mi Ju xanım, konsullıq shtabınıń xızmetkeri Olga Kim, Qaraqalpaqstan koreysler associaciyasınıń baslıǵı Aleksandr Shin, instituttıń oqıw isleri boyınsha prorektorı Muxtar Ibragimov, sonday-aq, Qaraqalpaqstan Respublikası hám Xorezm wálayatındaǵı koreys milliy-mádeniy oraylarınıń jámáátleri, koreys tili hám mádeniyatın úyrenip atırǵan keń jámiyetshilik wákilleri qatnastı.

Festival doslıq ruwxında ótti. Ilajǵa qatnasqan jámáátler Ózbekstan hám Koreya xalıqları doslıǵın jırlaytuǵın hár qıylı saxnalıq kórinisler, ayaq-oyınlar hám qosıqlar atqardı.

NMPI baspasóz xızmeti.