Tashkent qalasında qábiletli jaslardı qollap-quwatlaw maqsetinde «Talantlar tańlawı» atamasındaǵı xalıqaralıq tańlaw shólkemlestirildi.

Tańlawda Ájiniyaz atındaǵı Nókis mámleketlik pedagogikalıq institutı Pedagogika-psixologiya hám dóretiwshilik tálim fakulteti muzıkalıq tálim baǵdarınıń 2-kurs studenti Gúlistan Jumabaeva xalıq atqarıwshılıǵı nominaciyası boyınsha gran-pri jeńimpazı dep tabılǵan bolsa, 1-kurs studenti Dániyar Xojabaev 1-orın jeńimpazı boldı.

Sonday-aq, usı tańlawda xalıq sazları nominaciyası boyınsha 2-kurs studenti Barshınay Mátnazarova 1-orın jeńimpazı dep tabıldı.

Sonıń menen birge, muzıkalıq tálim baǵdarınıń 2-kurs studenti Feruza Bekbawlieva Tashkent qalasında ótkerilgen «Ohanglar jilosi» respublikalıq jas atqarıwshılar tańlawında sıylı 2-orındı iyeledi.