Ájiniyaz atındaǵı Nókis mámleketlik pedagogikalıq institutı Anıq pánler fakultetinde xalıqtıń reproduktivlik salamatlıǵın bekkemlew, jaslar arasında huqıqbuzarlıq hám jınayatshılıqtıń aldın alıw, ana hám bala salamatlıǵın qorǵaw hám salamat áwladtı qáliplestiriw máselelerine arnalǵan úgit-násiyat ushırasıwı ótkerildi.

Ushırasıwǵa Nókis qalası hákiminiń orınbasarı – Shańaraq hám hayal-qızlar bóliminiń baslıǵı Z.Dáwletnazarova, Respublikalıq Ruwxıylıq hám aǵartıwshılıq orayı Nókis qalalıq bólimi baslıǵı K.Nuratdinov, institut rektorınıń hayal-qızlar máseleleri boyınsha másláhátshisi S.Bekchanova, hayal-qızlar profilaktikalıq inspektorı M.Narımbetova, fakultet dekanınıń orınbasarı X.Esemuratov, tyutorlar hám studentler qatnastı.

Ilaj dawamında salamat turmıs tárizin qáliplestiriw, jaslardıń bos waqtın mazmunlı shólkemlestiriw, olardıń huqıqıy bilim hám medicinalıq sawatlılıǵın arttırıw arqalı unamsız jaǵdaylardıń, huqıqbuzarlıq hám jınayatlardıń aldın alıwdıń áhmiyeti túsindirildi.

Qatnasıwshılardıń qızıqtırǵan sorawlarına qánigeler tárepinen tolıq juwaplar berilip, tema boyınsha paydalı usınıslar bildirildi.

NMPI baspasóz xızmeti.