Tashkent qalasında para taekvondo boyınsha bolıp ótken Ózbekstan chempionatı jarısında Ájiniyaz atındaǵı Nókis mámleketlik pedagogikalıq institutı Pedagogika-psixologiya hám dóretiwshilik tálim fakulteti dene mádeniyatı tálim baǵdarınıń studenti Otabek Amatov 80 kilogramm salmaqta 1-orındı iyeledi hám altın medaldı qolǵa kirgizdi.

Sonday, dene mádeniyatı tálim baǵdarınıń 1-kurs studenti Dina Úsenbaeva sporttıń jiu-jitsu túri boyınsha ótkerilgen Ózbekstan kubogi jarısında U21 kategoriyasında sıylı 3-orındı iyelegen bolsa, 18 jastan joqarı hayal-qızlar arasında 2-orındı iyeledi.

Sporttıń regbi-7 túri boyınsha Ózbekstan kubogi U19 jarısında respublikamız saylandı komandası quramında qatnasqan dene mádeniyatı tálim baǵdarınıń 1-kurs studentleri Aziza Qádirbergenova hám Tazaxan Ómirzaqovalar jarısta 2-orındı iyelep, gúmis medallarına iye boldı.

Institutımız studentleriniń respublikalıq sport jarıslarındaǵı jetiskenlikleri menen qutlıqlaymız.

Optimized by JPEGmini 3.18.26.250256089-TBTBLNP 0x8c97c7da

??????????????????????????????????????????????????????????