Ájiniyaz atındaǵı Nókis mámleketlik pedagogikalıq institutınıń barlıq fakultetlerinde 2025-jıl dawamında ámelge asırılǵan jumıslardıń juwmaǵı hám jańa jıl bayramına arnalǵan saltanatlı ilajlar shólkemlestirildi.

Ótkerilgen ilajlarda fakultet dekanları tárepinen jıl dawamında erisilgen nátiyjeler, professor-oqıtıwshılar hám studentler tárepinen qolǵa kirgizilgen tabıslar, ilimiy hám innovaciyalıq joybarlar, ruwxıy-aǵartıwshılıq baǵdardaǵı jumıslar boyınsha maǵlıwmatlar berildi. Sonday-aq, belsendi professor-oqıtıwshılar, qábiletli studentler hám jámiyetlik jumıslarǵa belsene qatnasqan jaslar sıylıqlandı.

Jańa jıl bayramı ilajları mádeniy baǵdarlamalar, saxnalıq kórinisler, qosıq hám ayaq-oyınlar hám dóretiwshilik shıǵıwlar menen jıynalǵanlar kewillerine kóterińkilik baǵıshladı.